• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ اسمبلی کے دروازے پر 3 غداروں کو علامتی پھانسی دی، خرم شیر زمان

تازہ ترین
قومی خبریں
06 اپریل ، 2022
سندھ اسمبلی کے دروازے پر 3 غداروں کو علامتی پھانسی دی، خرم شیر زمان

پاکستان تحریک انصاف (پی ٹی آئی) کے رہنما خرم شیر زمان کا کہنا ہے کہ سندھ اسمبلی کے دروازے پر 3 غداروں کو آج ہم نے علامتی پھانسی دی، ہم ان ملک دشمنوں کو معاف نہیں کریں گے۔

پی ٹی آئی کے اراکین سندھ اسمبلی کی جانب سے سندھ اسمبلی کے اندر اور  باہر احتجاجی مظاہرہ کیا گیا۔

خرم شیر زمان نے کہا کہ ملک بھر میں 3 چوہوں کا منہ کالا ہوگیا ہے، وزیر اعظم نے ان تینوں کو بے نقاب کردیا ہے۔

 رہنما پی ٹی آئی نے کہا کہ ہم نے ان غداروں کے خلاف قرار داد اسمبلی میں جمع کروائی ہے، اسمبلی میں بیٹھے لوگوں نے اس پر دستخط نہیں کیے وہ غدار وطن ہیں۔

اراکین اسمبلی نے امریکا کا جو یار ہے غدار ہے کےنعرے لگائے، جبکہ پی ٹی آئی رہنما سندھ اسمبلی کے دروازے پر تین پتلے لےکر پہنچے جہاں ان 3 پتلوں کو علامتی پھانسی دی گئی۔

قومی خبریں سے مزید