پی ٹی آئی اتحادی GDA کا اسمبلی سے استعفے دینے سے انکار

گرینڈ ڈیموکریٹک الائنس (جی ڈی اے) کے ترجمان سردار رحیم کا کہنا ہے کہ عمران خان کے خلاف تحریک عدم اعتماد پر پی ٹی آئی کے ساتھ رہے، اسمبلی سے استعفیٰ دینے کا فی الحال کوئی فیصلہ نہیں کیا۔

جیو نیوز سے فون پر گفتگو کرتے ہوئے سردار رحیم نے کہا کہ جی ڈی اے قیادت آئندہ اجلاس میں صورتحال پر غور کرے گی، جی ڈی اے کا فیصلہ عمران خان کیخلاف تحریک عدم اعتماد کی حمایت نہ کرنے کا تھا۔

انہوں نے کہا کہ جی ڈی اے نے اپنی کمٹمنٹ پوری کی، آئندہ کا لائے عمل کا فیصلہ پیر صاحب پگارا اجلاس میں کریں گے، اجلاس جلد بلایا جائے گا۔

پی ٹی آئی ارکان قومی اسمبلی نے استعفے دینے شروع کردیئے

سابق وزیر اعظم عمران خان کاکہنا تھا کہ ہم کسی صورت اس اسمبلی میں نہیں بیٹھیں گے، کل رات کو سب کو سمجھ آگئی ہوگی کہ پی ٹی آئی کی طاقت کیا ہے۔

خیال رہے کہ سابق وزیر اعظم عمران خان نے قومی اسمبلی سے استعفیٰ دینے کا فیصلہ کرلیا ہے، ان کا کہنا تھا کہ ہم کسی صورت اس اسمبلی میں نہیں بیٹھیں گے۔