امریکی صدر جو بائیڈن یوکرین کا دورہ کریں گے؟

امریکا جنگ زدہ ملک یوکرین کے صدر ولادیمیر زیلنسکی سے ملاقات کے لیے ایک اپنےاعلیٰ سطحی حکّام کو یوکرین بھیجنے پر غور کر رہا ہے۔

غیر ملکی میڈیا رپورٹس کے مطابق امریکی صدر جو بائیڈن اور نائب صدر کملا ہیرس کے دورۂ یوکرین پر جانے کے حوالے سے بھی غور کیا جارہا ہے۔

تاہم رپورٹس کے مطابق، اس بات کا زیادہ امکان ہے کہ سیکریٹری آف اسٹیٹ اینٹونی بلنکن یاسیکریٹری دفاع  لائیڈ اوسٹن کو یوکرین کا دورہ کرنے کی ذمہ داری سونپی جائے گی۔

یوکرین نے پیوٹن کے قریبی اتحادی کو گرفتار کرلیا

یوکرین کی سکیورٹی سروسز نے پیوٹن کے ایک قریبی اتحادی کو گرفتار کرلیا ہے۔

خیال رہے کہ یہ رپورٹس اس وقت میں سامنے آئی ہیں جب کئی یورپی سربراہانِ مملکت اور حکومتی سربراہان صدر زیلنسکی سے ملاقات کے لیے یوکرین کے دارالحکومت کیف گئے ہیں۔

گزشتہ جمعہ کو یوروپی کمیشن کی صدر ارسولا وان ڈیر لوئین کیف میں موجود تھیں اور اس کے ایک دن بعد برطانوی وزیر اعظم بورس جانسن صدر زیلنسکی سے ملاقات کے لیےکیف گئے تھے ۔