عمران طارق بٹ میٹرک بورڈ کراچی کے ناظمِ امتحانات مقرر

صوبائی وزیرِ جامعات و بورڈز اسماعیل راہو کی ہدایت پر نائب ناظمِ امتحانات عمران طارق بٹ کو میٹرک بورڈ کراچی کے ناظمِ امتحانات کے عہدے کا چارج دے دیا گیا۔

ناظمِ امتحانات ظہیر الدین بھٹو کو ریلیف کر دیا گیا ہے، وہ لاڑکانہ بورڈ میں ناظمِ امتحانات کی ذمے داریاں سنبھالیں گے۔

میٹرک بورڈ کراچی نے عمران طارق بٹ کو ناظمِ امتحانات کے عہدے کا چارج دینے کا نوٹیفیکیشن بھی جاری کر دیا ہے۔

نویں کے امتحان میں عمر کی حد 12 سال اور میٹرک، انٹر کی سطح پر گریڈنگ کے لیے کمیٹی قائم

ملک بھر میں نویں جماعت میں امتحان دینے کے لیے عمر کی حد 14 سال سے کم کر کے 12 سال جب کہ میٹرک اور انٹر کی سطح پر نمبرنگ کے بجائے عالمی معیار کی گریڈنگ کرنے کے لیے کمیٹی قائم کردی گئی ہے۔

یاد رہے کہ اس وقت سندھ کے 8 تعلیمی بورڈز میں گزشتہ 5 برس سے نہ تو مستقل ناظمِ امتحانات تعینات ہے نہ ہی مستقل سیکریٹری فرائض انجام دے رہے ہیں۔

سندھ کے 5 بورڈز میں چیئرمین بھی مستقل نہیں اور یوں عملاً سندھ کے تمام تعلیمی بورڈز ایڈہاک ازم کا شکار ہیں۔