انجلینا جولی کے دورۂ یوکرین میں خطرناک صورتحال

ہالی ووڈ کی مشہور اداکارہ انجلینا جولی کے جنگ زدہ یوکرینی شہر کے دورے میں خطرناک صورتحال پیدا ہوگئی۔

غیرملکی میڈیا کے مطابق انجلینا جولی کی موجودگی میں راکٹ حملے کے سائرن بج اٹھے، جس کے بعد حملے کے خدشات پر اداکارہ کو فوری بنکر میں لے جایا گیا۔

اس سے پہلے انجلینا جولی ہفتے کو جنگ زدہ ملک یوکرین کے دورے پر پہنچی تھیں، جہاں انہوں نے جنگ متاثرین سے ملاقاتیں کیں۔

اس حوالے سے انکی یوکرین کے شہر لوویو میں ایک کافی شاپ میں کافی آرڈر کرتے ہوئے ویڈیو بھی وائرل ہوئی تھی۔

انجلینا جولی کا دورہ یوکرین، بچوں کے ساتھ تصاویر بنوائیں

ہالی ووڈ کی شہرت یافتہ اداکارہ اور اقوام متحدہ کے ادارہ برائے مہاجرین کی نمائندہ خصوصی انجلینا جولی ہفتے کو جنگ زدہ ملک یوکرین کے دورے پر پہنچی ہیں۔

واضح رہے کہ انجلینا جولی کئی سالوں سے اقوام متحدہ کی پناہ گزین ایجنسی کے لیے خصوصی مندوب کے طور پر کام کررہی ہیں۔