سنی دیول کے بیٹے کی منگنی کی خبروں کی تردید

بالی ووڈ اداکار سنی دیول کے بیٹے کرن دیول نے فلمساز بمل رائے کی نواسی دریشا رائے سے منگنی نہیں کی، کرن کی ٹیم نے ان کی منگنی کی افواہوں کو مسترد کر دیا۔

کرن دیول، جنہوں نے 2019 میں فلم ’پل پل دل کے پاسُ سے بالی ووڈ میں قدم رکھا تھا، فی الحال اپنی پرانی دوست دریشا رائے کے ساتھ منگنی کی افواہوں کی وجہ سے سرخیوں میں ہیں۔ 

رپورٹس میں کہا گیا ہے کہ اداکار نے دریشا سے منگنی کر لی ہے اور وہ جلد ہی اپنے رشتے کو آگے بڑھاتے ہوئے شادی کے بندھن میں بندھ جائیں گے۔ اب، کرن کی ٹیم نے منگنی کی افواہوں کو رد کرتے ہوئے کہا کہ کرن اور دریشا بچپن کے دوست ہیں، ان کی منگنی کی خبریں درست نہیں ہیں۔

کرن دیول کے بارے میں معلومات:

کرن دیول سنی دیول کے بیٹے اور تجربہ کار اداکار دھرمیندر کے پوتے ہیں۔ انہوں نے 2019 میں بالی ووڈ میں قدم رکھا تھا۔ 

اس فلم کو سنی دیول نے لکھا اور ڈائریکٹ کیا تھا جبکہ اسے سنی ساؤنڈز پرائیویٹ لمیٹڈ اور زی اسٹوڈیو نے پروڈیوس کیا تھا۔ 

اب کرن دیول فلم ’اپنے 2‘ میں نظر آئیں گےجس میں ان کے خاندان کے افراد بھی شامل ہیں، بشمول دادا دھرمیندر اور چچا بوبی دیول۔

دریشا رائے کون ہے؟

دریشا رائے مشہور فلم ساز بمل رائے کی نواسی ہیں۔ وہ خاص طور پر اپنی حقیقت پسندانہ اور سماجی فلموں کے لیے جانے جاتے ہیں۔

دریشا رائے نے فیشن میں اپنا کریئر بنایا، اپنے انسٹاگرام پیج کے مطابق وہ فیشن ڈیزائنر ہیں۔