کانگو وائرس پھیلنے کا خدشہ، محکمہ صحت نے الرٹ جاری کردیا

اسلام آباد(خصوصی رپورٹ) محکمہ صحت نے جانوروں میں کانگو وائرس پھیلنے کے خدشے کے پیش نظر الرٹ جاری کردیا۔ جانوروں میں کانگوں وائرس پھیلنے کے خدشے کے پیش نظر محکمہ صحت نے گائیڈ لائنز جاری کردیں۔

محکمہ صحت کا کہنا ہے کہ مویشی منڈی جاتے وقت بچوں اور بزرگ افراد کو ساتھ نہ لیکرجائیں، پوری آستین والا لباس پہنیں،جانوروں کی نقل و حرکت کے باعث کانگو وائرس پھیل سکتاہے اور جانوروں کی دیکھ بھال پر مامور افراد کانگووائرس کا شکار ہوسکتے ہیں۔

 گائیڈلائنز میں کہا گیا کہ مویشی منڈی جاتے وقتبچوں اور بزرگ افراد کو ساتھ نہ لےکرجائیں ، ہلکے رنگ کے پوری آستین والا لباس اور بند جوتے پہنیں۔

محکمہ صحت نے کہا کہ جانورخریدتےوقت تسلی کریں کہ وہ چیچڑسے پاک ہوں۔ اس حوالے سے محکمہ صحت نے تمام اضلاع کے سی ای او ہیلتھ کو الرٹ کردیا ہے۔

 خیال رہے یہ وائرس مویشی کی کھال سے چپکی چیچڑوں میں پایا جاتا ہے، چیچڑی کے کاٹنے سے وائرس انسان میں منتقل ہوجاتا ہے، قومی ادارہ صحت کے مطابق نیرو نامی وائرس انسانی خون، تھوک اور فضلات میں پایا جاتا ہے جو انسانوں میں بخار پھیلاتا ہے۔

 تیز بخار، کمر، پٹھوں، گردن میں درد، قے، متلی، گلے کی سوزش اور جسم پر سرخ دھبے کانگو کی علامات ہیں۔ کانگو وائرس کی احتیاطی تدابیر ہیں کہ جانوروں کے پاس جانے سے گریز کیا جائے، مویشیوں کے پاس جانے کی ضرورت پیش آئے تو دستانوں کا استعمال ضرور کیا جائے۔