• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میڈیکل ٹیسٹ، سندھ پولیس دعا زہرہ کو لینے لاہور پہنچ گئی

آج کا اخبار
اہم خبریں
01 جولائی ، 2022
کراچی(مانیٹرنگ نیوز) کراچی سے پنجاب جا کر شادی کرنے والی لڑکی دعا زہرہ کو لینے سندھ پولیس کی ٹیم پنجاب کے شہر لاہور پہنچ گئی ہے۔سندھ پولیس کے مطابق عدالتی احکامات کی روشنی میں قائم میڈیکل بورڈ نے 7روز میں دعا زہرہ کی عمر کے تعین کی رپورٹ جمع کروانی ہے۔ اس ضمن میں گزشتہ روز محکمہ داخلہ سندھ نے پنجاب پولیس کو ایک خط لکھا تھا جس میں کہا گیا تھا کہ دعا زہرہ کو کراچی منتقلی میں مدد کی جائے تاکہ لڑکی کا میڈیکل ٹیسٹ کرایا جاسکے۔ پولیس کے مطابق ڈی ایس پی شوکت علی کی سربراہی میں ٹیم تشکیل دی گئی ہے جس نے دعا زہرہ کو پنجاب سے کراچی لانا ہے، ٹیم کے اراکین دعا زہرہ کو کراچی لانے کے لیے صوبہ پنجاب پہنچ گئے ہیں۔پولیس ٹیم میں خواتین پولیس اہلکار بھی موجود ہیں، پولیس دعا زہرہ کو پنجاب سے کراچی لائے گی اور دس رکنی میڈیکل بورڈ کے سامنے پیش کرے گی۔
اہم خبریں سے مزید