قومی ویمنز کرکٹرز کا پہلا پریکٹس سیشن منسوخ

قومی خواتین کرکٹ ٹیم کا پہلا پریکٹس سیشن راولپنڈی کرکٹ اسٹیڈیم میں منسوخ کردیا گیا۔

قومی ویمنز کرکٹ ٹیم کا پہلا پریکٹس سیشن منسوخ کرنے کی وجہ سیاسی جماعت کے جلسے اور ریلیاں بنے ہیں، خواتین کھلاڑیوں نے ہوٹل میں ہی جم ٹریننگ کی۔

پاکستان ویمن کرکٹ ٹیم کے سینٹرل کنٹریکٹ کا اعلان

پاکستان کرکٹ بورڈ (پی سی بی) ویمن سلیکشن کمیٹی کی چیئرپرسن اسماویہ اقبال نے سینٹرل کنٹریکٹ حاصل کرنے والی 20 ویمنز پلیئرز کے ناموں کا اعلان کردیا۔

ذرائع کے مطابق راولپنڈی اور اسلام آباد میں سیاسی جلسے اور ریلیوں کے باعث قومی خواتین کرکٹ ٹیم کا پہلا پریکٹس سیشن منسوخ کیا گیا، خواتین کھلاڑی پریکٹس سیشن کی بجائے ہوٹل میں جم ٹریننگ کریں گی۔

خواتین کرکٹرز کل راولپنڈی کرکٹ اسٹیڈیم میں پریکٹس سیشن میں حصہ لیں گی، 15 کھلاڑیوں پر مشتمل تربیتی کیمپ 10 روز تک جاری رہے گا۔

تربیتی کیمپ میں آئرلینڈ میں سہ فریقی سیریز اور کامن ویلتھ گیمز کی تیاری کی جائے گی۔