ننھے بچے اور بلی کی ایک ساتھ پانی پینے کی ویڈیو وائرل

ننھے بچے کی باغ میں لگے چھوٹے فواروں سے پانی پینے کی دلچسپ ویڈیو وائرل ہو رہی ہے جس میں بچے کے ساتھ بلی کو بھی اسی فوارے سے پانی پیتے دیکھا جا سکتا ہے۔

گرمی نے جہاں انسانوں کو پریشان کیا ہے وہیں جانور بھی اس سے تنگ نظر آتے ہیں، اسی گرمی کے توڑ کا علاج ایک ننھے بچے اور بلی نے نکالا جس کی ویڈیو سوشل میڈیا پر وائرل ہو رہی ہے۔

ویڈیو میں دیکھا جاسکتا ہے کہ ایک باغ میں لگے چھوٹے فواروں سے ایک بچہ کھیل رہا ہے اور ساتھ ہی پانی بھی پی رہا ہے۔

بچے کو ایسا کرتے دیکھ کر بلی بھی اس عمل میں شامل ہو گئی، ویڈیو میں دونوں کو ایک ہی فوارے سے پانی پیتے دیکھا جا سکتا ہے۔

سوشل میڈیا پر اس ویڈیو کو بہت پسند کیا جا رہا ہے۔