عام لوگوں کا اہلِ باطل کا لٹریچر پڑھنا

آپ کے مسائل اور اُن کا حل

سوال:۔ مجھے ہندوؤں، عیسائیوں اور پارسیوں کی کتابیں پڑھنے کا شوق ہے، مگر میرے ایک دوست جو تبلیغی جماعت میں وقت لگاتے ہیں، وہ مجھے منع کرتے ہیں، کیا ان کا منع کرنا دینی لحاظ سے درست ہے؟

جواب:۔ آپ کے دوست ٹھیک منع کرتے ہیں۔ عام لوگوں کا دوسرے مذاہب کی کتابیں پڑھنا اپنے ایمان اور عقیدے کو خطرے میں ڈالنا ہے۔ خطروں کے ساتھ وہ کھیلے جو اس کا کھلاڑی ہو اور سانپ وہ شخص رکھے جس کے پاس اس کے زہر کا تریاق بھی موجود ہو۔