متحدہ عرب امارات نے قطر میں فیفا ورلڈکپ دیکھنے کیلئے جانے والے افراد کو ملٹی پل انٹری ویزا دینے کا اعلان کر دیا۔
فیفا ورلڈکپ قطر 2022 دیکھنے والوں کو ’’حیا کارڈ “ جاری کیا جائے گا۔
یو اے ای حکام کے مطابق ’’حیا کارڈ‘‘ رکھنے والے یو اے ای میں 90 دن کے اندر متعدد بار داخل ہوسکتے ہیں۔
فٹبال ورلڈکپ قطر میں 20 نومبر سے 18 دسمبر تک کھیلا جائے گا۔
فیفا ویب سائٹ پر دستیاب معلومات کے مطابق حیا کارڈ کی بدولت قطر میں انٹری پرمٹ کے ساتھ ساتھ میچ کا ٹکٹ بھی شامل ہوگا جس سے اسٹیڈیم میں داخل ہوا جاسکے گا۔
یہ ایک ذاتی دستاویز ہے جو فیفا ورلڈکپ میچ دیکھنے والے ہر فرد کیلئے ضروری ہے۔
حیا کارڈ کے ذریعے قطر میں مفت پبلک ٹرانسپورٹ کا سفر کیا جاسکے گا جس میں میٹرو ٹرین اور بسیں شامل ہیں۔