زرمبادلہ ذخائر میں 11 کروڑ 81 لاکھ ڈالر کی کمی

 

اسٹیٹ بینک آف پاکستان (ایس بی پی) نے کہا ہے کہ زر مبادلہ کے ذخائر 26 اگست کو ختم ہونے والے ہفتے کے دوران 11.81 کروڑ ڈالر کم ہوئے۔ 

کراچی سے جاری اسٹیٹ  بینک کے اعلامیہ کے مطابق ملکی زرمبادلہ کے ذخائر 26 اگست تک 13 ارب 40 کروڑ ڈالر رہے۔ اسٹیٹ بینک کے ذخائر 11.28 کروڑ  ڈالر کم ہو کر 7.69 ارب ڈالر رہے۔ 

اسٹیٹ بینک کے مطابق کمرشل بینکوں کے ذخائر 53 لاکھ ڈالر کم ہوکر 5.70 کروڑ ڈالر رہے۔ آئی ایم ایف سے ایک ارب 16 کروڑ ڈالر 31 اگست کو ملے ہیں۔

اسٹیٹ بینک کے مطابق آئی ایم ایف سے ملنے والی قسط کا اثر 2 ستمبر تک کے زرمبادلہ کے ذخائر میں نظر آئے گا۔