انگلش کرکٹر معین علی کی پاکستان کے لیے امداد کی اپیل

انگلینڈ کے کرکٹر معین علی نے برٹش پاکستانی کمیونٹی سے پاکستان کے سیلاب متاثرین کے لیے دل کھول کر امداد فراہم کرنے کی اپیل کی ہے۔

معین علی نے کہا ہے کہ یہ صرف متاثرہ پاکستانیوں کی مدد نہیں بلکہ بڑا ثواب بھی ہے۔

اس سے قبل پاکستانی نژاد برطانوی باکسر عامر خان نے پاکستان کے سیلاب متاثرین کے لیے 5 ملین روپے دینے کا اعلان کیا تھا۔

بلوچستان میں سیلاب نے زندگی امتحان بنادی

سیلاب میں گھرے بلوچستان کے علاقوں میں شہریوں کی زندگی امتحان بن گئی، جہاں ماؤں کے لعل سڑک پر بنی چارپائی کی جھونپڑی میں زندگی اور موت کی جنگ لڑ رہے ہیں۔

واضح رہے کہ پاکستان کے کچھ حصّے ریکارڈ توڑ مون سون بارشوں کی وجہ سے آنے والے سیلاب کی زد میں ہیں، اب تک 1 ہزار سے زائد افراد جاں بحق، ہزاروں زخمی اور لاکھوں افراد بے گھر ہوچکے ہیں۔