انوشکا نے اپنی خراب تصاویر کیوں شیئر کیں؟

23 ستمبر ، 2022

شوبز شخصیات اور دیگر سلیبریٹیز سوشل میڈیا بالخصوص انسٹاگرام پر اپنی تصاویر مکمل ایڈٹ کے ساتھ شیئر کرتے ہیں جن میں وہ رنگوں اور روشنیوں کا بھی خاص خیال کرتے ہیں اور اگر وہ بھی ٹھیک نہ ہو تو اسے بھی ایڈٹ کرکے درست کیا جاتا ہے۔

لیکن اپنی حالیہ پوسٹ میں انوشکا شرما نے ایسا نہیں کیا، بلکہ انہوں نے اپنی بغیر ایڈٹ والی "خراب" تصاویر ہی شیئر کر ڈالیں۔

انوشکا اس وقت اپنی فلم چکڈا ایکسپریس کی شوٹنگ کے لیے انگلینڈ میں موجود ہیں اور انہوں نے وینٹری وین کے باہر ہی ایک ہی جگہ پر مختلف پوز دینے کی کوشش کی۔

ان تصاویر کو انوشکا نے کچھ اس طرح بیان کیا کہ "ایک بھی فوٹو اچھی نہیں لگی مجھے، تو میں نے سوچا ہمیشہ اچھی فوٹو ڈالنا ہے یہ کس نے کہا؟"

انوشکا کا مزید لکھنا تھا کہ "تو یہ ہیں میری اوکے اوکے قسم کی تصاویر جو میں نہ ڈالتی، لیکن اپنی قیمتی سانس ان کو کھینچنے میں استعمال کی ہے تو پوسٹ کرنا تو بنتا ہے۔