یوٹیوب کا صارفین سے پریمیم ممبرشپ خریدنے کا تقاضا

دنیا بھر میں مشہور ویڈیوز شیئرنگ پلیٹ فارم یوٹیوب کے حوالے سے کچھ صارفین کی شکایات سامنے آئی ہیں کہ ہائی ڈیفینیشن ویڈیوز ( 4k resolution) دیکھنے کے لئے پریمیم ممبرشپ خریدنے کا تقاضا کیا جارہا ہے۔

غیرملکی خبر رساں ادارے کے مطابق گوگل یوٹیوب کے ذریعے اپنے منافع کو بڑھانے کی کوششوں میں مصروف ہے۔

 اس ماہ کے آغاز میں یوٹیوب پر ویڈیوز کے آغاز سے قبل 5 اشتہارات بھی دکھائے گئے تھے جن میں صارفین کیلیے اِسکپ (نظر انداز) کرنے کا آپشن بھی موجود نہ تھا۔

خبر رساں ادارے کے مطابق یہ چیز صرف چند صارفین کے ساتھ ٹیسٹ کے طور پر استعمال کی گئی تھی، جسے گوگل نے جلد ہی انٹرنیٹ پر تنقید سے بچنے کے لیے بند کردیا تھا۔