• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت کے سابق کرکٹرز کی شاندار کارکردگی پر گرین شرٹس کی تعریف

آج کا اخبار
اہم خبریں
10 نومبر ، 2022
اسلام آباد (اے پی پی):بھارت کے سابق کرکٹرز نے نیوزی لینڈ کے خلاف سیمی فائنل میں گرین شرٹس کی تعریف کرتے ہوئے کہا کہ فائنل میں پہنچنے پر پاکستان کرکٹ ٹیم کو مبارک ہو۔ بدھ کوبھارتی کرکٹ ٹیم کے سابق آف اسپنر ہربھجن سنگھ نے ٹوئٹ کرتے ہوئے پاکستان ٹیم کی تعریف کی اور لکھا کہ ʼفائنل میں پہنچنے پر پاکستان کو مبارک ہو اس کا سارا کریڈٹ ٹیم، منیجمنٹ ، بابر اور رضوان کو جاتا ہے۔ انہوں نے امید ظاہر کی کہ بھارت انگلینڈ کو شکست دے کر فائنل کے لیے کوالیفائی کرے تاکہ فائنل میں پاک بھارت ٹاکرا ہوسکے۔اس کے علاوہ سریش رائنا نے بھی ٹوئٹ کرتے ہوئے پاکستان ٹیم کو مبارک باد دی۔بھارتی کرکٹ ٹیم کے سابق بیٹر محمد کیف نے بابر اور رضوان پر تنقید کرنے والوں کو آڑے ہاتھوں لیتے ہوئے کہا کہ جب بابر اور رضوان پر تنقید کرو تو سوشل میڈیا ٹرینڈ کو فالو نہیں کرنااس سے پہلے ان کی کلاس کے بارے میں سوچنا۔واضح رہے کہ دوسرا سیمی فائنل آج جمعرات کو بھارت اور انگلینڈ کے درمیان کھیلا جائے گا، جبکہ ایونٹ کا فائنل اتوار کو میلبرن میں ہوگا۔
اہم خبریں سے مزید