پنجاب حکومت کا اداکار طارق ٹیڈی کے مفت علاج کا اعلان

وزیرِ اعلیٰ پنجاب چوہدری پرویز الہٰی نے اداکار طارق ٹیڈی کا مفت علاج کرانے کا اعلان کر دیا۔

جاری کیے گئے بیان میں چوہدری پرویز الہٰی کا کہنا ہے کہ پنجاب حکومت طارق ٹیڈی کے علاج معالجے کے اخراجات برداشت کرے گی۔

وزیرِ اعلیٰ پنجاب نے محکمۂ صحت کو طارق ٹیڈی کے مفت علاج کے لیے اقدامات کی ہدایت کی ہے۔

چوہدری پرویز الہٰی نے یہ بھی کہا ہے کہ طارق ٹیڈی کا علاج جہاں بھی ممکن ہوا پنجاب حکومت کرائے گی۔