• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
بلخ میں آج صبح دھماکے کا نشانہ بننے والی بس—تصویر بشکریہ ٹوئٹر
بلخ میں آج صبح دھماکے کا نشانہ بننے والی بس—تصویر بشکریہ ٹوئٹر

افغانستان کے شمالی صوبے بلخ میں ایک آئل کمپنی کے ملازمین کو لے جانے والی بس میں دھماکے سے 5 افراد جاں بحق ہو گئے۔

بلخ پولیس کے ترجمان کے مطابق دہشت گردوں کی جانب سے آج صبح 7 بجے مزار شریف شہر کے ضلع 3 میں سید آباد موڑ کے قریب آئل کمپنی کے ملازمین کی بس کو بم دھماکے کا نشانہ بنایا گیا ہے۔

افغان پولیس کے ترجمان نے بتایا ہے کہ دھماکے کے نتیجے میں 4 افراد زخمی بھی ہوئے ہیں، لاشوں اور زخمیوں کو مقامی اسپتال منتقل کر دیا گیا ہے۔

افغان پولیس کے مطابق ابھی تک کسی گروہ کی جانب سے دھماکے کی ذمے داری قبول نہیں کی گئی ہے۔

بین الاقوامی خبریں سے مزید