اداکارہ بینش راجا کے ہاں بیٹی کی پیدائش

پاکستانی ڈرامہ انڈسٹری کی ابھرتی اداکارہ بینش راجا کے ہاں بیٹی کی پیدائش ہوئی ہے۔

نجی چینل پر نشر ہونے والے ڈرامہ سیریل ’سنگِ مرمر‘ میں دُرخانے کا کردار ادا کرنے والی بینش راجا نے مداحوں کے ساتھ یہ خوشخبری سوشل میڈیا پر شیئر کی ہے۔

اداکارہ نے اپنی انسٹاگرام پوسٹ میں بتایا ہے کہ اللّٰہ نے مجھے بیٹی سے نوازا ہے، میری دعا ہے کہ میری بیٹی خوبصورت خواب دیکھے اور اللّٰہ اس کے سب ہی خواب پورے کرے، آمین۔

بینش راجا نے اپنی پوسٹ پر مداحوں سے دعاؤں کی اپیل بھی کی ہے۔

بینش راجا نے تاحال اپنی یا بیٹی کی کوئی تازہ تصویر سوشل میڈیا پر شیئر نہیں کی۔

واضح رہے کہ اداکارہ بینش ڈرامہ سیریل ’یقین کا سفر،‘ ’دل بے خبر‘ اور ’زرد زمانوں کا سفر‘ میں ادکاری کے جوہر دکھانے سمیت پاک فوج کے شہداء کو خراج عقیدت پیش کرنے والے عاطف اسلم کے مقبول ترین گانے ’زمین جاگتی ہے‘ میں بھی دکھائی دے چکی ہیں۔

کیا بینش راجا نے شوہر سے راہیں جدا کرلیں؟

پاکستان ڈرامہ انڈسٹری کی ابھرتی ہوئی اداکارہ بینش راجا نے طلاق کے حوالے سے ایک پوسٹ شیئر کی ہے جس سے قیاس کیا جارہا ہے کہ اگست 2021 میں رشتۂ ازدواج میں منسلک ہونے والی اداکارہ کی طلاق ہوگئی ہے۔

اداکارہ بینش راجہ نے شادی کی تصدیق کردی

ٹی وی انڈسٹری کی اداکارہ بینش راجہ کے حوالے سے یہ خبریں زیرگردش تھیں کہ انہوں نے لاک ڈاؤن میں خاموشی سے شادی کرلی ہے۔