دی ہیگ (نمائندہ جنگ) پاکستان مسلم لیگ ن ہالینڈ کے جنرل سیکرٹری چوہدری فیصل منظور کے تایا سسر چوہدری ولایت حسین مرحوم کے ایصال ثواب کیلئے دی ہیگ کے اسلامک اینڈ کلچر سینٹر میں محفل کا اہتمام کیا گیا جس کا آغاز تلاوت قرآن پاک سے حافظ و قاری بلال نے کیا ذکر شریف اور درود شریف کے بعد نعت رسول مقبولﷺ خادم مجتبیٰ بٹ ، چوہدری سعید مہر، حافظ و قاری سراج نے پیش کی ۔ نظامت شفیق چیمہ نے کی۔ سفیر یورپ منہاج القرآن علامہ نذیر احمد خان اور مولانا افتخار حسین شاہ امام و خطیب جامع مسجد غوثیہ روٹر ڈیم نے خطاب کرتے ہوئے کہا کہ حضور نبی کریم ﷺکے اسوہ حسنہ پر عمل پیرا ہوکر ہی دین و دنیا کی کامیابی حاصل کی جاسکتی ہے۔محفل میں سیاسی وسماجی شخصیت حاجی مشتاق احمد ،سہیل احمد ، صدر پاکستان اسلامک اینڈ کلچر سینٹر چوہدری اقبال قاضیاں ، جنرل سیکرٹری راجہ فاروق حیدر، پاکستان مسلم لیگ ن کے چیئرمین پیر سید اقرار شاہ ، پاکستان مسلم لیگ ن ہالینڈ کے صدر چوہدری پرویز علی سندیلہ ، صدر جاوید بٹ پیارا، محمد جاوید اقبال کھوکھر ، چوہدری طارق، آفتاب جاوید، راجہ عابد ودیگرنے شرکت کی، آخر میں درود و سلام کے بعد مرحوم چوہدری ولایت حسین کے درجات کی بلندی،امت مسلمہ ،پاکستان کی سلامتی ،حاضرین مجلس کیلئے دعامولانا افتخار حسین شاہ نے کی۔
فرمان الہی
نماز کے اوقات
