فرمان الہی
نماز کے اوقات
کراچی (جنگ نیوز) پی ایس ایل کی فرنچائز ملتان سلطانز کے کپتان محمد رضوان نے شعیب ملک اور عمران طاہر کی تعریف کرتے ہوئے کہا ہے کہ میرا ان کے تجربے سے کوئی مقابلہ نہیں ہے۔پریس کانفرنس کے دوران محمد رضوان نے کہا کہ میں مزید 20 سال بھی کرکٹ کھیلوں تب بھی عمران طاہر اور شعیب ملک کے تجربے کا مقابلہ نہیں کر سکتا۔انہوں نے کہا کہ جب شعیب ملک اور عمران طاہر اوور کر رہے تھے تو مجھے کھیلنے میں مشکل ہو رہی تھی۔محمد رضوان کا کہنا ہے کہ جس طرح یہ دونوں اسپنرز بولنگ کر رہے تھے میرے پاس ان کی بولنگ کا کوئی جواب نہیں تھا کہ ان کو کیسے ہیٹ کروں۔ واضح رہےکہ ایچ بی ایل پی ایس ایل کے کھیلے گئے 11 ویں میچ میں ملتان سلطانز کے خلاف سنسنی خیز مقابلے کے بعد کراچی کنگز کو 3 رنز سے شکست ہوئی تھی۔
