• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، لڑکی سے سرعام زیادتی کی کوشش کرنیوالے ملزم کی شناخت، جلد گرفتار کرلیں گے، ایس ایس پی ایسٹ کا دعویٰ

آج کا اخبار
اہم خبریں
13 جولائی ، 2023
کراچی(این این آئی)کراچی کے علاقے گلستان جوہر میں لڑکی سے سرعام زیادتی کرنے کی کوشش کرنیوالے ملزم کی شناخت ہوگئی ہے اور ایس ایس پی ایسٹ کا دعویٰ ہے کہ ملزم کو جلد گرفتار کرلیں گے ۔ ضلع شرقی کے سینئر سپرنٹنڈنٹ آف پولیس(ایس ایس پی)زبیر نذیر شیخ کے مطابق واقعہ 3 جولائی کو پیش آیا اور اس میں ملوث ملزم کی شناخت ہوچکی ہے۔ایس ایس پی نے بتایاکہ پولیس نے ملزم کی شناخت کیلئے گلستان جوہر بلاک 4 میں نصب 106 کیمروں کی سی سی ٹی وی فوٹیج حاصل کیں اور ان فوٹیج کی مدد سے ملزم کا خاکہ تیار کیا۔زبیر نذیر شیخ نے بتایا کہ جائے وقوعہ کی جیو فینسنگ کی گئی جس کی بنیاد پر 350 سے زائد افراد کے انٹرویوز کئے۔ انہوں نے کہا کہ ذاتی پروفائل، کردار، لوکیشن اور وقت وقوعہ کو مدنظر رکھتے ہوئے 35 افراد کو پوچھ گچھ کیلئے حراست میں لیا گیا۔
اہم خبریں سے مزید