فرمان الہی
نماز کے اوقات
ہتھنی مدھوبالا کی سفاری پارک منتقلی کےلئے خصوصی کنٹینر کراچی کے چڑیا گھر پہنچا دیا گیا۔
ذرائع کا کہنا ہے کہ ہتھنی مدھوبالا کو سفاری پارک منتقلی کےلیے کنٹینر اسلام آباد میں تیار کیا گیا ہے۔
ذراٸع کا مزید کہنا ہے کہ ہتھنی مدھوبالا کا کنٹینر اسلام آباد سے کراچی لایا گیا ہے، تربیت دینے کے بعد ہتھنی مدھوبالا کو سفاری پارک منتقل کیا جائے گا۔
ذرائع کے مطابق خصوصی کنٹینر فور پاز ٹیم ہیڈ ڈاکٹر عامر خلیل کی سفارشات و نگرانی میں تیارکیا گیا ہے، جس پر 30 لاکھ روپے لاگت آئی۔
ذرائع کا کہنا ہے کہ خصوصی کنٹینر کی تیاری کے اخراجات فور پاز ٹیم نے ادا کیے ہیں۔ خصوصی کنٹینر سے ہتھنیوں کے ٹیسٹ بھی باآسانی کیے جاسکیں گے۔
فور پاز ٹیم کے مطابق ہتھنی مدھوبالا کی تربیت کے بعد اسے ستمبر کے آخر تک سفاری پارک منتقل کیا جائے گا۔
رواں سال مئی میں ہتھنی مدھوبالا کو سفاری پارک منتقل کرنے فیصلہ کیا گیا تھا۔
انتظامیہ کا کہنا تھا کہ ہتھنی مدھوبالا کو سفاری پارک منتقل کرنے کیلئے سنکچری تعمیر کی جائے گی۔
ہتھنی کی صحت سے متعلق ڈاکٹر ہارون اکبر نے چیف زولوجسٹ ڈاکٹر عامر کو خط کے ذریعے آگاہ کیا تھا کہ مدھوبالا میں بلڈ پیراسائٹ بیماری کے کچھ جراثیم پائے گئے ہیں۔
چڑیا گھر انتظامیہ کا کہنا ہے کہ بیماری مخصوص مکھی کے کاٹنے سے ہوتی ہے جو قابل علاج ہے۔
