• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، افغان بچے میں پولیو کی تشخیص پاکستان کا چوتھا، سندھ کا پہلا کیس

آج کا اخبار
اہم خبریں
22 اکتوبر ، 2023
کراچی(اسٹاف رپورٹر)پاکستان میں رواں سال پولیو کا چوتھا اور سندھ میں پہلا کیس سامنےآگیا ہے ۔ محکمہ صحت سندھ نے کراچی کے علاقے گڈاپ میں دوسالہ افغانی نژاد بچے میں پولیووائرس کی تصدیق کی ہے ۔ سندھ میں اس سے قبل پولیو کا کیس جولائی 2020 میں رپورٹ ہوا تھا۔ اس کیس کے بعد پاکستان میں رواں سال پولیو سے متاثر ہونے والے بچوں کی تعداد چار ہوگئی۔ محکمہ صحت سندھ کے مطابق کراچی کے علاقے گڈاب میں ایک بچہ پولیو وائرس سے معذور ہوگیا ہےجس کی عمر دو سال ہے،اس سے قبل سندھ میں پولیو کا کیس جولائی 2020 میں رپورٹ ہوا تھا۔رواں سال پاکستان میں پولیو کا پہلا کیس 20 فروری، دوسرا کیس 11 جولائی اور تیسرا کیس 4 اکتوبرکو رپورٹ ہوا تھا۔ ابتدائی تین کیسز کا تعلق بنوں سے تھا۔ نیشنل انسٹی ٹیوٹ آف ہیلتھ اسلام آباد میں پاکستان کی قومی پولیو لیبارٹری نے اگست 2023 میں جمع کیے گئے چارسیوریج کے نمونوں میں ٹائپ ون وائلڈ پولیو وائرس کی نشاندہی کی ہے۔ ذرائع کے مطابق کراچی کا متاثرہ بچہ افغانی نژاد ہے جبکہ طبی ماہرین کو خدشہ ہے کہ پاکستان میں سامنے آنے والے حالیہ پولیو کیسز افغانستان میں پائے جانے والے نمونوں سے مماثلت رکھتے ہیں۔
اہم خبریں سے مزید