فرمان الہی
نماز کے اوقات
پاکستان میوزک انڈسٹری کے بے تاج بادشاہ معروف گلوکار عاطف اسلم نے تقریباً ایک سال کے بعد اپنا نیا گانا ریلیز کرنے کا اعلان کر دیا۔
فوٹو اینڈ ویڈیو شیئرنگ پلیٹ فارم انسٹاگرام پر پوسٹ شیئر کرکے عاطف اسلم نے اپنے مداحوں کو آگاہ کیا کہ وہ بہت جلد اپنی نئی غزل ’زندگی‘ کے ٹائٹل سے جاری کرنے جا رہے ہیں۔
سوشل میڈیا پر شیئر کیے گئے مختصر دورانیے کے ویڈیو کلپ میں گلوکار کو اپنی آنے والی غزل کے چند اشعار پڑھتے ہوئے سنا جاسکتا ہے۔
غزل کے اشعار کچھ یوں ہیں کہ ’غم حیات کا جھگڑا مٹا رہا ہے کوئی، چلے آؤ کہ دنیا سے جا رہا ہے کوئی، کوئی اس دل سے کہہ دو کہ رک جائے دو گھڑی، سنا ہے آنے کا وعدہ نبھا رہا ہے کوئی‘۔
عاطف اسلم کی مذکورہ غزل کی موسیقی لیو ٹوئنز برادرز کی پیشکش ہے جبکہ اس کی میوزک ویڈیو میں اداکارہ صبور علی بھی جلوہ گر ہوں گی۔
گلوکار کی نئی غزل کی میوزک ویڈیو کی ہدایت کاری رضوان شیرازی نے کی ہے۔
تاہم گلوکار نے ابھی یہ نہیں بتایا کہ وہ کس تاریخ کو اپنی میوزک ویڈیو لانچ کریں گے، جس کے باعث ان کے مداحوں کی بےقراری بڑھ گئی ہے۔
