فرمان الہی
نماز کے اوقات
کراچی(اسٹاف ر پو ر ٹر )جماعت اسلامی اور لیاقت آباد ٹاؤن کے چیئرمین فراز حسیب کا لیاقت آباد کے عوام کے لیے مزید 4پارکوں کا تحفہ، امیرجماعت اسلامی کراچی حافظ نعیم الرحمن ٰنے افتتاح کیا اوراسپورٹس کمپلیکس کا سنگ بنیاد رکھا ، جبکہ پی آئی بی کالونی میں الخدمت اسکل ڈیولپمنٹ سینٹرکادورہ کیا،تفصیلات کے مطابق طویل عرصے سے بدحال پارکس کی ازسر نو بحالی اور تزئین وآرائش کے بعدباقاعدہ افتتاح کیا گیا، ان میں یوسی 1 موسیٰ کالونی میں طاہر شریف پارک،یوسی 2 اسحاق آباد میں اسامہ شہید پارک، یوسی 3 پیلی کوٹھی پرانا غریب آباد میں امیر خسرو پارک،یوسی 6 بی ون ایریا میں شاہ فیض الحسن پارک شامل ہیں،جب کہ شریف آباد یوسی 2میں منصورہ اسپورٹس کمپلیکس کا سنگ بنیاد بھی رکھاگیا، حافظ نعیم الرحمن ٰنے میڈیا کے نمائندوں سے گفتگو کرتے ہوئے کہاکہ کراچی کے ساڑھے تین کروڑ عوام عام انتخابات میں اپنے ووٹ کو تقسیم نہ کریں اورترقی کے نشان صرف ترازو پر مہر لگائیں۔جماعت اسلامی کے سوا کسی بھی پارٹی کو دیا گیا ووٹ وڈیروں اور جاگیرداروں کے حق میں جائے گا۔جماعت اسلامی کراچی اور سندھ میں ماڈل اسکولز بنائے گی،محکمہ پولیس سے کالی بھیڑوں کا صفایا کیا جائے گا اور کراچی سے 80فیصد مقامی باشندوں کو محکمہ پولیس میں نمائندگی دی جائے گی، علاوہ ازیں امیر جماعت اسلامی کراچی حافظ نعیم الرحمنٰ نےپی آئی بی کالونی میں الخدمت اسکل ڈیولپمنٹ سینٹرکادورہ کیا، نوجوانوں سے ملاقات اورسینٹر کے مختلف حصوں کے معائنہ کے ساتھ کورسز میں مصروف نوجوانوں کی کاوشوں کو سراہا ۔
