فرمان الہی
نماز کے اوقات
کراچی (اسٹاف رپورٹر) پاکستان ویمن کرکٹ ٹیم کی بیٹر سدرا امین کا کہنا ہے کہ پی ایس ایل کے موقع پر گزشتہ برس نمائشی میچز ہونے کا فائدہ ہوا لیکن رواں برس ویمن لیگ کے نہ ہونے کا افسوس ہے۔ امید ہے کہ پاکستان کرکٹ بورڈ اس حوالے سے ضرور پلان ترتیب دے رہا ہوگا۔ پیر کو ایک انٹر ویو میں انہوں نے کہا کہ غیر ملکی کھلاڑیوں کے ساتھ ڈریسنگ روم شیئر کیا، ان سے بہت کچھ سیکھا۔ میں سمجھتی ہوں کہ پاکستان کی ویمن کرکٹرز جلد غیر ملکی لیگز میں تسلسل کے ساتھ کھیلیں گی۔ویمن کرکٹرز کی تلاش کیلئے اسکولز اور کالجز میں جانا ہوگا ۔ نیوزی لینڈ کو نیوزی لینڈ میں ہرانے سے اعتماد میں اضافہ ہوا۔ آئندہ ماہ ویسٹ انڈیز کو کراچی میں کھیلنا ہے، پھر انگلینڈ جانا ہے، ایشیا کپ میں شرکت کرنا ہے اور پھر میگا ایونٹ ٹی ٹوئنٹی ورلڈ کپ کھیلنا ہے، آئندہ سیزن کے لیے ہمیں فٹنس پر زیادہ سے زیادہ کام کرنا چاہیے۔
