چچا وفاق میں، بھتیجی پنجاب میں کالے قوانین لاگو کر رہی ہے: بیرسٹر سیف

خیبر پختون خوا کے مشیرِ اطلاعات بیرسٹر محمد علی سیف نے کہا ہے کہ چچا وفاق میں اور بھتیجی پنجاب میں کالے قوانین لاگو کر رہی ہے۔

اپنے ایک بیان میں انہوں نے کہا ہے کہ شریف فیملی ملک کو بنانا ریپبلک بنانے میں کوئی کسر نہیں چھوڑ رہی۔

بیرسٹر سیف نے کہا ہے کہ پی ٹی آئی انسان دشمن قانون کا راستہ روکنے کے لیے صحافی برادری کے ساتھ کھڑی ہے۔

قائم مقام گورنر کے دستخط، پنجاب اسمبلی سے منظور ہتک عزت بل قانون بن گیا

پنجاب اسمبلی سے منظور ہتک عزت بل قانون بن گیا، قائم مقام گورنر ملک محمد احمد خان نے بل پر دستخط کردیے.

واضح رہے کہ گزشتہ روز پنجاب اسمبلی سے منظور ہونے والا ہتکِ عزت بل قانون بن گیا تھا، قائم مقام گورنر ملک محمد احمد خان نے بل پر دستخط کر دیے تھے۔

یاد رہے کہ گزشتہ دنوں صحافتی تنظیموں کے تحفظات اور اپوزیشن کے احتجاج کے باوجود پنجاب اسمبلی میں ہتکِ عزت بل 2024ء منظور کر لیا گیا تھا۔