ایمنڈ کی صحافی کے قتل کی مذمت

ایسوسی ایشن آف الیکٹرونک میڈیا ایڈیٹرز اینڈ نیوز ڈائریکٹرز (ایمنڈ) نے خیبر میں صحافی کے قتل کی مذمت کی ہے۔

ایمنڈ نے کہا کہ پاکستان میں تواتر کے ساتھ صحافیوں پر حملوں کا سلسلہ جاری ہے۔

ضلع خیبر میں نامعلوم افراد کی فائرنگ سے صحافی قتل

ضلع خیبر میں نامعلوم افراد نے فائرنگ کرکے صحافی کو قتل کردیا، مقتول صحافی خلیل جبران مقامی ٹی وی چینل سے وابستہ تھے، گورنر، وزیراعلیٰ نے قتل کی مذمت کی ہے۔

صحافیوں پر تشدد، اغوا، دھمکیاں معمول بن چکی ہیں، وفاقی و صوبائی حکومتیں اس قسم کے واقعات کو روکنے میں ناکام نظر آتی ہیں۔

ایمنڈ نے خلیل جبران کے قتل میں ملوث افراد کو جلد گرفتار کرکے سزا دینےکا مطالبہ کیا ہے۔ 

واضح رہے کہ لنڈی کوتل کے علاقے مزرینہ میں صحافی خلیل جبران گھر جارہے تھے کہ گھر کے قریب ان کی کار خراب ہوئی، اس موقع پر خلیل جبران کو نامعلوم افراد نے کار سے اتار کر فائرنگ کا نشانہ بنایا۔