فرمان الہی
نماز کے اوقات
کراچی(عبدالماجدبھٹی) پاکستانی ٹیسٹ ٹیم کے ہیڈ کوچ آسٹریلیا کے جیسن گلسپی کا کہنا ہے کہ ریڈ بال ٹیم کی کپتانی شان مسعود کریں گے۔کوچ کی حیثیت سے میری کوشش ہے کہ شفاف اور ایماندارنہ طریقے سے پاکستان ٹیم کو صف اول کی ٹیم بنانے میں کردار ادا کروں۔میرا ٹیسٹ سلیکشن میں بھی کردار ہےکوشش کروں گا کہ ٹیسٹ کے اسپیشلسٹ کھلاڑیوں پر مشتمل مضبوط ٹیم تشکیل دوں۔ البتہ ڈومیسٹک ٹیموں کی سلیکشن میں میرا کوئی کردار نہیں ہوگاکوشش ہوگی کہ ڈومیسٹک کوچز کی مدد سے کھلاڑیوں سے معلومات کروں۔ فاسٹ بولر شاہین شاہ آفریدی نے مچل اسٹارک کے مقابلے میں ایک سال میں تینوں فارمیٹس اور غیر ملکی لیگز میں تین گنا زیادہ میچ کھیلے ہیں۔کھلاڑیوں کو تازہ دم رکھنے کے لئے ان کا ورک لوڈ مینیج کیا جائے گا ورنہ اس کے لئے مسئلہ ہوسکتا ہے۔وہ کس فارمیٹ میں بہتر محسوس کرتے ہیں اس کا فیصلہ انہیں خود کرنا ہے۔شاہین آفریدی کے ہاں چند ہفتے بعد بچے کی ولادت متوقع ہے اس لئے روایتی انداز میں اگر وہ بچے کی پیدائش تک اپنی اہلیہ کے ساتھ رہنا چاہتے ہیں تو ہم انہیں آرام د سکتے ہیں۔بابر اعظم اور نسیم شاہ سے میری لاہور میں ملاقات ہوئی ہے ۔وہ جمعرات کو کراچی میں میڈیا کے نمائندوں سے بات چیت کررہے تھے۔لاہور میں پی سی بی حکام کے ساتھ ملاقات میں گیری کرسٹین بھی موجود تھے بورڈ نے ہمیں اپنی پالیسی بتادی ہے۔بنگلہ دیش کی سیریز میں شان مسعود کپتانی کریں گے بابر اعظم چوتھے نمبر پر کھیلیں گےمیں نے ان سے ملاقات میں انہیں کوئی خاص پلان نہیں دیا بلکہ میری کوشش ہے کہ وہ بیٹنگ میں اپنا کردار ادا کریں اور ہمیں میچ جتوائیں۔ٹیسٹ چیمپین شپ فائنل میں جانے کے لئے ہمارے پاس 9ٹیسٹ ہیں کوشش کروں گا کہ ٹیسٹ ٹیم میں کھلاڑیوں کا پول زیادہ ہوتاکہ بولنگ اور بیٹنگ میں ہمارے پاس بیک اپ موجود ہو۔انہوں نے کہا کہ اس وقت پاکستان شاہینز کے کیمپ کے لئے کراچی آیا ہوں۔شاہینز کی چارروزہ میچوں میں کوچنگ کروں گا اور بنگلہ دیش کی ٹیسٹ سیریز سے قبل پاکستان واپس آجاوں گا۔دس اگست کو بنگلہ دیش کے خلاف ٹیسٹ سیریز کی تیاری کے لئے کھلاڑی پنڈی میں جمع ہوں گے۔جبکہ انگلینڈ کے خلاف ٹیسٹ سیریز کے لئے پاکستان ٹیم کا اعلان 23ستمبر کو ہوگا۔انہوں نے کہا کہ ٹیسٹ اور وائٹ بال کوچز آپس میں رابطے میں ہیں۔اور دونوں اپنی اپنی حدود میں رہ کر مضبوط ٹیمیں تشکیل دے رہے ہیں۔
