• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی ٹی آئی کو 8 ستمبر کے جلسے کی اجازت بھی نہیں ملے گی، رانا ثناء نے اشارہ دیدیا

تازہ ترین
قومی خبریں
31 اگست ، 2024
پی ٹی آئی کو 8 ستمبر کے جلسے کی اجازت بھی نہیں ملے گی، رانا ثناء نے اشارہ دیدیا

وزیراعظم شہباز شریف کے مشیر رانا ثناء اللّٰہ نے واضح اشارہ دیا کہ پاکستان تحریک انصاف (پی ٹی آئی) کو 8 ستمبر کے جلسے کی اجازت بھی نہیں ملے گی۔

جیو نیوز کے پروگرام ’نیا پاکستان‘ میں گفتگو کرتے ہوئے رانا ثناء اللّٰہ نے کہا کہ جب تک پی ٹی آئی خود کو 9 مئی سے علیحدہ نہیں کرتی تب تک انہیں نہیں لگتا کہ انتظامیہ اسے جلسے کی اجازت دے گی۔

ایک سوال پر رانا ثناء نے کہا کہ اگر فیض حمید کے معاملے میں عمران خان کا ملوث ہونا ثابت ہوتا ہے تو عمران خان کے ملٹری ٹرائل کے لیے پنجاب یا وفاقی حکومت، کسی کی اجازت کی ضرورت نہیں ہے۔

رانا ثناء نے کہا کہ آرمی ایکٹ کے تحت انکوائری بورڈ کو اس کی پہلے سے قانونی اجازت ہے۔

قومی خبریں سے مزید