آئی پی پیز کا کیپیسٹی چارجز میں کمی سے انکار

آئی پی پیز کمپنیوں نے کیپیسٹی چارجز سمیت نرخوں میں کمی سے انکار کر دیا۔

پیپکو ذرائع کے مطابق کمپنیوں نے حکومت سے پہلے اپنے 52 فیصد پاور ہاؤسز کے نرخ کم کرنے کا مطالبہ کیا ہے۔

ذرائع نے بتایا کہ آئی پی پیز مالکان نے زبردستی کرنے پر عالمی ثالثی عدالت سے رجوع کرنے کا کہہ دیا ہے۔

آئی پی پیز مالکان نے مؤقف اختیار کیا ہے کہ حکومت بجلی کے بلوں پر 38 فیصد ناجائز ٹیکسز واپس لے۔

آئی پی پیز مالکان نے مطالبہ کیا ہے کہ حکومت پہلے ٹیکس ختم کرے اور اپنے پاور پلانٹس کے نرخ کم کر کے مذاکرات کے لیے آئے۔