زر مبادلہ ذخائر میں اضافہ

کراچی ( اسٹاف رپورٹر)زر مبادلہ ذخائر میں اضافے کا رحجان برقرار، ایک ہفتے کے دوران مزید 2کروڑ 40لاکھ ڈالر کا اضافہ،اسٹیٹ بینک آف پاکستان کی جانب سے جاری اعداد و شمار کے مطابق 20 ستمبر کو ختم ہو نے والے ہفتے کے اختتام پر مرکزی بینک کے زر مبادلہ ذخائر2 کروڑ 40 لاکھ ڈالر کے اضافے سے 9 ارب 53 کروڑ 36 لاکھ ڈالر پر پہنچ گئے ہیں،کمرشل بینکوں کے پاس اس وقت 5 ارب 33 کروڑ 95 لاکھ ڈالر موجود ہیں اس طرح 20 ستمبر کو ملک کے مجموعی زر مبادلہ ذخائر 14 ارب 87 کروڑ 31 لاکھ ڈالر ہو گئے ہیں۔