حسن نصراللّٰہ کی شہادت پر عرب لیگ نے ردعمل نہیں دیا، ترجمان حماس

فلسطینی مزاحمتی تنظیم حماس کے ترجمان خالد مقدومی نے کہا ہے کہ عرب لیگ نے اب تک حسن نصراللّٰہ کی شہادت پر ردعمل تک نہیں دیا ہے۔

حسن نصراللّٰہ کی شہادت کے بعد مشرق وسطیٰ کے بدلتے حالات پر جیو نیوز کی خصوصی ٹرانسمیشن میں خالد مقدومی، بین الاقوامی امور کے ماہر منصور جعفر، ایرانی صحافی افضل رضا، فلسطینی صحافی جلال محمود و دیگر نے گفتگو کی۔

حماس ترجمان نے مزید کہا کہ ان کا مزاحمت کا سفر طویل ہے، جو فلسطین کی آزادی تک جاری رہے گا۔

حالیہ اسرائیلی حملوں میں شہید ہونے والی اہم شخصیات

اسرائیل نے حالیہ چند ماہ میں اپنی مخالف عسکریت پسند تنظیموں حزب اللّٰہ اور حماس کے ساتھ ایران کے بھی بڑے ناموں کو شہید کیا ہے۔

انہوں نے یہ بھی کہا کہ اسرائیل کے خلاف ردعمل دینا صرف ایران کی نہیں بلکہ پوری مسلم امہ کی ذمے داری ہے۔

منصور جعفر نے کہا کہ فلسطین کے پڑوسی ممالک مصر اور اردن نے اسرائیل کی مدد کی ہے۔ مصر، اردن اور دیگر عرب ملکوں کا رویہ اسرائیل کی حوصلہ افزائی کر رہا ہے۔

افضل رضا نے کہا کہ اگر حسن نصراللّٰہ کی شہادت کے بعد بھی ایران کا ردعمل محدود رہتا ہے تو اس سے ایران کی ساکھ پر اثر پڑے گا۔

انہوں نے مزید کہا کہ اب تک ایران کا عسکری ردعمل توقعات کے مطابق نہیں رہا ہے۔

اسرائیل کے حق دفاع کی بھرپور حمایت کرتے ہیں، امریکی وزیر دفاع

امریکی وزیر دفاع لائیڈ آسٹن نے کہا ہے کہ ایرانی حمایت یافتہ دہشت گرد گروپوں کے خلاف اسرائیل کے حق دفاع کی بھرپور حمایت کرتے ہیں۔

فلسطینی صحافی جلال محمود نے کہا کہ یہ نہ سمجھا جائے کہ حزب اللّٰہ کا ردعمل کمزور ہوگا۔ غزہ میں محصور حماس اور حزب اللّٰہ کی صورتحال میں بہت فرق ہے۔

دوسری طرف مشرق وسطی کی صورتحال دن بدن بگڑ رہی ہے۔ جنگ کا دائرہ خطے کے مزید ممالک تک پھیل گیا ہے۔

دو روز پہلے لبنان پر اسرائیلی حملے میں حزب اللّٰہ کے سربراہ حسن نصراللّٰہ کو شہید کر دیا گیا ہے، غزہ میں اسرائیلی سفاکیت سے بچوں سمیت 40 ہزار سے زائد افراد شہید ہو چکے ہیں۔

امریکی صدر جو بائیڈن نے حسن نصر اللّٰہ کی شہادت کو منصفانہ اقدام قرار دیدیا

امریکی صدر جو بائیڈن نے لبنانی مزاحمتی تنظیم حزب اللّٰہ حسن نصر اللّٰہ کی اسرائیلی حملے میں شہادت پر ردعمل دیا اور کہا کہ اب غزہ اور لبنان میں جنگ بندی ہونی چاہیے۔

جنگ بندی کی کئی کوششوں کے باوجود اسرائیلی ہٹ دھرمی برقرار ہے، اسرائیل کی نیتین یاہو حکومت تمام عالمی قوانین کو قدموں تلے روند چکی ہے۔

دوسری جانب اقوام متحدہ بھی بےبس نظر آرہی ہے۔ اس ساری صورتحال میں روزانہ معصوم افراد جان کی بازی ہار رہے ہیں۔ انسانی المیہ نئی تاریخ رقم کر رہا ہے۔