• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بشریٰ بی بی سیاسی شخصیت ہیں نہ سعودیہ کا نام لیا، شعیب شاہین

آج کا اخبار
اہم خبریں
23 نومبر ، 2024
کراچی (ٹی وی رپورٹ)جیوکے پروگرام ”آج شاہ زیب خانزادہ کے ساتھ “ میں گفتگو کرتے ہوئے سینئر رہنما تحریک انصاف، شعیب شاہین نے کہا کہ بشریٰ بی بی کوئی سیاسی شخصیت نہیں ہیں۔ بشریٰ بی بی نے کسی جگہ سعودی عرب کا نام نہیں لیا،مشیر وزیراعظم سیاسی امور،رانا ثناء اللہ نے کہا کہ بشریٰ بی بی کی ویڈیو میں ساری بات واضح ہے۔ بشریٰ بی بی نے پوری ترتیب میں ساری بات کی۔بشریٰ بی بی کے بیان میں ویڈیو آڈیو واضح ہے۔ اگر کوئی مسئلہ ہے تو ویڈیو بیان کا فرانزک کرایا جاسکتا ہے۔بشریٰ بی بی کا بیان غیر ذمہ دارانہ اور احمقانہ ہے،میزبان شاہزیب خانزادہ نے تجزیہ پیش کرتے ہوئے کہا کہ پی ٹی آئی کے24 نومبر کے احتجاج سے پہلے پاکستان کے بین الاقوامی تعلقات کے حوالے سے بڑا تنازع کھڑا ہوگیا ہے ۔ جس کے بعد حکومت کو عمران خان کے خلاف بیانیہ بنانے کا موقع مل گیا ہے۔اس تنازعے کے بعدتحریک انصاف کی حکومت اور اسٹیبلشمنٹ کے ساتھ دراڑیں مزید بڑھنے کے خدشات پیدا ہوگئے ہیں۔سینئر رہنما تحریک انصاف، شعیب شاہین نے کہا کہ بشریٰ بی بی کوئی سیاسی شخصیت نہیں ہیں۔ بشریٰ بی بی نے کسی جگہ سعودی عرب کا نام نہیں لیا۔ اس بیان کا پارٹی کی طرف سے کوئی تعلق نہیں تھا۔ بشریٰ بی بی کو اپنے بیان کی وضاحت کردینی چاہئے اور پارٹی نے بھی وضاحت کردی ہے۔بشریٰ بی بی نے باجوہ کے حوالے سے بات کی ہے۔بشریٰ بی بی نے یہ نہیں کہا کہ کس ملک یا شخص نے کال کی۔بشریٰ بی بی کو وضاحت کردینی چاہئے اور وہ آجائے گی۔حکومت کے پاس کوئی ایشو نہیں اس لئے یہ ایشو بنا دیا گیا۔ہمارے احتجاج سے حکومت بوکھلاہٹ اور گھبراہٹ کا شکا رہے۔حکومت نے آج سے ہی تمام راستے اور ٹرانسپورٹ بند کردی ۔آئین عملی طور پر ختم ہوچکا، کاغذوں میں تو باقی رہنے دیں۔
اہم خبریں سے مزید