• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب بلدیاتی الیکشن کیلئے قانون سازی فوری مکمل کرے، الیکشن کمیشن

آج کا اخبار
اہم خبریں
27 فروری ، 2025
اسلام آباد ( طاہر خلیل ) الیکشن کمیشن نے بلدیاتی انتخابات کےلئے پنجاب حکومت کو قانون سازی فوری مکمل کرنے کا حکم دے دیا، انتخابات کے انعقاد کیلئے ہر قسم کی معاونت کیلئے تیار ہیں ،چیف سیکرٹری کی یقین دہانی چیف الیکشن کمشنر سکندر سلطان راجا نے کہا کہ آئین کے تحت الیکشن کمیشن بلدیاتی انتخابات کرانے کا پابند ہے، بدقسمتی سے کوئی بھی صوبائی حکومت انتخابات کے لیے تیار نہیں۔چیف الیکشن کمشنر کی سربراہی میں فل بینچ نے پنجاب میں بلدیاتی انتخابات سے متعلق کیس کی سماعت کی، چیف سیکریٹری اور سیکریٹری لوکل گورنمنٹ پنجاب پیش ہوئے۔الیکشن کمیشن نے کہا کہ 3 صوبوں اور کنٹونمنٹ میں جدوجہد کے بعد انتخابات کرائے، چیف الیکشن کمشنر نے کہاکہ صوبائی حکومتیں قوانین میں ترامیم کر کے انتخابات ملتوی کر دیتی ہیں۔سیکرٹری الیکشن کمیشن کا کہنا تھا کہ پنجاب میں 5 بار انتخابی قوانین تبدیل کیے گئے، الیکشن کمیشن 3 بار حلقہ بندیاں کر چکا، دو بار الیکٹورل گروپس کی فہرست سازی ہوئی۔
اہم خبریں سے مزید