فرمان الہی
نماز کے اوقات
امریکی صدر ڈونلڈ ٹرمپ نے بیرون ملک بننے والی فلموں پر 100 فیصد ٹیکس لگا دیا۔
واشنگٹن سے خبر ایجنسی کے مطابق صدر ٹرمپ نے کہا کہ محکمہ تجارت سمیت دیگر محکموں کو فلموں پر ٹیکس کے فوری نفاذ کا کام شروع کرنے کی ہدایت کی ہے۔
انھوں نے مزید کہا کہ بیرون ملک بننے والی فلموں پر 100 فیصد ٹیکس لگایا جائے گا جو امریکا بھیجی جاتی ہیں، چاہتے ہیں امریکی فلمیں دوبارہ سے امریکا میں ہی بنیں۔
صدر ٹرمپ کا کہنا تھا کہ امریکی فلم انڈسٹری بہت تیزی سے ختم ہوتی جارہی ہے، ہماری فلمی صنعت کو امریکی فلمسازوں کے دوسرے ممالک میں جاکر کام کرنے سے نقصان ہو رہا ہے۔
انھوں نے کہا دوسرے ممالک امریکی فلم سازوں کو اپنی جانب راغب کر رہے ہیں، دیگر اقوام کی طرف سے یہ مشترکہ کوشش ہے اس لیے یہ قومی سلامتی کے لیے خطرہ ہے۔
ڈونلڈ ٹرمپ نے کہا کہ دوسرے ممالک کا امریکی فلمسازوں کو راغب کرنا پیغام رسانی اور پروپیگنڈا ہے۔
خبر ایجنسی کے مطابق صدر ٹرمپ نے تفصیلات نہیں بتائیں کہ فلموں پر ٹیرف کا نفاذ کیسے ہوگا۔
