• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلال یاسین سے18مارکیٹس کےصدور کی ملاقات، تاجروں کا دیرینہ مطالبہ منظور

میرا شہر
لاہور
20 جولائی ، 2025
لاہور (خصوصی رپورٹر) وزیر ہاؤسنگ پنجاب بلال یاسین سے سرکلر روڈ کی 18 مارکیٹس کے صدور نے ڈی سی آفس لاہور میں ملاقات کی،سرکلر روڈ لاہور کے تاجروں کا دیرینہ مطالبہ حکومت پنجاب نے منظور کردیا، اس ملاقات میں وائس چیئرمین ایل ڈی اے میاں مرغوب، میاں وقار اور ڈی سی لاہور سید موسیٰ رضا بھی شریک تھے، وزیر ہاؤسنگ پنجاب کا کہنا تھا کہ بھاٹی گیٹ، شاہ عالم،موچی گیٹ، دہلی گیٹ کے تاجروں کیلئے زیر زمین دکانوں اور گوداموں کی تعمیر کی جائے گی، سرکلر باغ کے گرد زیر زمین کاروباری مراکز اور پارکنگ پوائنٹس بنائے جائیں گے، قائد مسلم لیگ میاں محمد نواز شریف نے 6 مختلف مقامات پر تاجروں کیلئے کاروباری مراکز کو عالمی معیار کے مطابق بنانے کی ہدایت کی ہے،ابتدائی مرحلے میں ٹیکسالی، موچی اور شیرانوالہ گیٹ کے قریب کاروباری مراکز حکومت خود تیار کروائے گی، 2200 سے زائد دکانیں اور گوداموں کی تعمیر پہلے مرحلے میں مکمل کی جائے گی، دوسرے مرحلے میں شاہ عالم، بھاٹی اور دہلی گیٹ کو حکومت پنجاب تیار کروائے گی۔
لاہور سے مزید