• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اربعین مارچ کا فیصلہ موخر، حکومت، شیعہ علماء کونسل اور ایم ڈبلیو ایم کا اتفاق

آج کا اخبار
اہم خبریں
08 اگست ، 2025
کراچی (ٹی وی رپورٹ)اربعین مارچ کا فیصلہ موخر حکومت شیعہ علماء کونسل اور ایم ڈبلیو ایم کا سات نکاتی ایجنڈے پر اتفاق رات گئے کراچی میں پریس کانفرنس کرتے ہوئے وفاقی وزیر مملکت طلال چوہدری کا کہنا تھا کہ گورنر سندھ کا مشکور ہوں مذاکرات میں کردار ادا کیا درخواست کی ہے کہ اس سال بذریعہ سڑک اربعین کے لئے سفر نہ کیا جائے حکومت عراقی ویزے کی 60 روز تک توسیع کرائے گی بارڈر پر موجود طلبہ کو ایران داخل ہونے دیا جائے گا اور جن کے عراقی ویزے جاری ہوچکے ہیں ان کو رعایتی ٹکٹ دلوائیں گے دو سے تین روز میں فلائٹ آپریشن شروع کرایا جائے گا معاملے پر حکومت اعلیٰ سطح کی کمیٹی تشکیل دے گی ۔ ایم ڈبلیو ایم کے رہنما علامہ رضوی نے کہا کہ گورنر سندھ کامران ٹیسوری کو مطالبات پورے کروانے کے لئے اپنا ضامن بنایا ہے ۔ گورنر سندھ کامران ٹیسوری نے کہا کہ جو راستہ مولا علی رضی اللہ عنہ اور روضہ حضرت امام حسین کی زیارت کی جانب جارہا ہواسے کوئی کبھی بند کر ہی نہیں سکتا ۔
اہم خبریں سے مزید