• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شاہین چوک انڈر پاس ایک ماہ میں مکمل کرنے کا ٹاسک

میرا شہر
اسلام آباد
02 نومبر ، 2025
اسلام آباد(نمائندہ خصوصی )اسلام آباد کے 2 میگا پراجیکٹس پر کام کی رفتار تیز۔ ٹی چوک فلائی اوور منصوبے کا مجموعی طور پر 60 فیصد کام مکمل ، فلائی اوور دسمبر کے اوائل میں ٹریفک کے لئے کھول دیا جائے گا۔شاہین چوک انڈر پاس بھی ایک ماہ میں مکمل کرنے کا ٹاسک دیدیا گیا ۔ وفاقی وزیرداخلہ محسن نقوی نے ٹی چوک فلائی اوور اور شاہین چوک انڈر پاس منصوبوں کا دورہ کیا ،دونوں منصوبوں پر پیش رفت کا جائزہ لیا ،تعمیراتی سرگرمیوں کا معائنہ اور تعمیراتی کاموں کے معیار کا مشاہدہ کیا۔ہ محسن نقوی نے پراجیکٹس کی پیش رفت پر اطمینان کا اظہار کیا اور ہدایت کی کہ ‎تعمیراتی کاموں میں ٰ معیارکو ہر صورت یقینی بنایا جائے،معیار اور رفتار پر کوئی سمجھوتہ نہیں کیا جا ئے گا۔انہوں نے کہا کہ فلائی اوور کی تکمیل سے جی ٹی روڈ سے مسافر سگنل فری اسلام آباد آسکیں گےیہ منصوبہ شہریوں کے سفری مسائل کے حل میں اہم سنگِ میل ثابت ہوگا۔‎ٹی چوک فلائی اوور منصوبے سے ٹریفک کے بہاؤ میں نمایاں بہتری آئے گی۔ وزیر داخلہ نے ہدایت کی کہ شاھین چوک انڈر پاس پراجیکٹ کے تعمیراتی کاموں کی رفتار میں مزید تیزی لائی جائے،منصوبے پر بیک وقت 24/7 کام جاری رکھا جائے۔‎منصوبے کو اگلے 30 روز میں مکمل کرنے کے لیے دن رات محنت کی جائے۔ انہوں نے کہا کہ ٹریفک کے دباؤ اور سکول اوقات میں عوامی مشکلات کم کرنے کے لیے منصوبے کی جلد تکمیل ضروری ہے۔‎شہریوں کو ٹریفک مسائل سے نجات دلانا اولین ترجیح ہے۔‎شاہین چوک انڈر پاس اسلام آباد کا ایک ماڈرن ترقیاتی منصوبہ ہوگا۔‎ممبر انجنئیرنگ سی ڈی اے نے پراجیکٹس پر ہونے والی پیش رفت پر وزیر داخلہ کو بریفنگ دی۔
اسلام آباد سے مزید