فرمان الہی
نماز کے اوقات
کراچی ( اسٹاف رپورٹر ) مختلف علاقوں میں ڈکیتی مزاحمت اور فائرنگ کے دیگر واقعات میں ایک شخص جاں بحق جبکہ بچوں سمیت 11 افراد زخمی ہوگئے، تفصیلات کے مطابق بلدیہ ٹاؤن ٹیپو سلطان روڈ میانوالی محلہ میں شادی کی تقریب میں جھگڑے کے دوران فائرنگ سے 35 سالہ نوروز ولد فراز جاں بحق ، 8 سالہ عفان ولد عامر ، 35 سالہ عرفان اللہ ولد شیر باز خان ، 17 سالہ رحمان ولد جہانزیب ،40 سالہ وحید ولد رفیق ،32 سالہ فیضان ولد شیر اعظم ، 30 سالہ شاکر ولد سیف اور 34 سالہ باسط ولد ایوب زخمی ہوگئے ،کے ناموں سے ہوئی،واقعہ کی اطلاع پر پولیس کی بھاری نفری موقع پر پہنچی جبکہ مقتول کی لاش اور زخمیوں کے سول اسپتال پہنچنے پر ممکنہ تصادم کے پیش نظر عیدگاہ ، نپئیر اور رسالہ تھانوں کی پولیس بھی اسپتال پہنچ گئی ،ایس ایچ او افتخار تنولی کے مطابق مقتول اسی علاقے کا رہائشی اور شادی کی تقریب میں بطور مہمان آیا تھا ،مقتول ملزم کا کزن بھی بتایا جاتا ہے،انہوں نے بتایا کہ شادی کی تقریب میں ملزم عامر موسیٰ کا زین نامی لڑکے سے جھگڑا ہوا تھا ،ملزم کے ساتھ اس کا دوست شاہ زیب بھی موجود تھا ،دونوں ملزمان واقعہ کے بعد فرار ہو گئے،انہوں نے بتایا کہ ملزم عمر موسیٰ کے بارے میں معلوم ہوا ہے کہ وہ گارڈن دھوبی گھاٹ کا رہائشی ہے،وہ اور اس کا دوست شاہزیب کچھ عرصہ قبل اغوا بھی ہوئے تھے اور تین سے چار کروڑ روپے تاوان دے کر واپس آئے تھے،عینی شاہدین کے مطابق ملزم نشے میں تھا اور نشے کی حالت میں ہی اس نے اندھا دھند فائرنگ کی،ملزمان کے فرار کے بعد مشتعل افراد نے ملزم کی زیر استعمال گاڑی پر پھتراؤ کر کے شیشے توڑ دیے جبکہ اسے جلانے کی بھی کوشش کی ، علاوہ ازیں گڈاپ کریم ٹاؤن میں اپنے والد کے ساتھ موٹرسائیکل پرسوار 7سالہ محمد سرور ولد محمد قاسم ڈکیتی کے دوران مسلح ملزمان کی فائرنگ سے زخمی ہوگیا ، سائٹ ایریا لال مسجد روڈ نمبر دو کے قریب ڈکیتی کی واردات کے دوران مزاحمت پر مسلح ملزمان کی فائرنگ سے 32 سالہ بابر ولد عبدالوصی زخمی ہوگیا ،پولیس نے بتایا کہ بظاہر واقعہ اسی دشننی کا شاخسانہ معلوم ہوتا ہے، پٹیل پاڑہ دربند بازار کے قریب نامعلوم افراد کی فائرنگ سے 25 سالہ عثمان ولد نیاز زخمی ہوگیا ،زخمی شخص کے سینے میں گولی لگی ہے اور اس کی حالت تشویشناک بتائی جاتی ہے ، پولیس کے مطابق واقع گھریلو تنازعی کا شاخسانہ ہے ، پولیس نے گھر پر چھاپہ مار کر اس کے والد کو حراست میں لے کر ایک پستول برآمد کر کے قبضے میں لے لیا ہے۔
