فرمان الہی
نماز کے اوقات
کراچی(اسٹاف رپورٹر ) امیر جماعت اسلامی کراچی منعم ظفر خان نے نائب امیر کراچی و اپوزیشن لیڈر کے ایم سی سیف الدین ایڈووکیٹ کے ہمراہ گلشن اقبال میں متاثرہ اشخاص والد محمد یامین،صاحبزادے محمد طاہر کے گھر پرہنگامی پریس کانفرنس سے خطاب کرتے ہوئے وزیر اعلیٰ سندھ، وزیر داخلہ، ڈی آئی جی اور ایس ایس پی سے مطالبہ کیا کہ گزشتہ رات مکان پر قبضہ کرنے کے واقعے کی فوری اور شفاف تحقیقات کرائی جائیں،قبضہ کرنے والوں اور ان کے سرپرستوں کو قانون کی گرفت میں لایا جائے،پولیس اہلکاروں کی غفلت پر بھی سخت کاروائی لازم ہے،وکالت کا شعبہ عزت اور انصاف کا مقام رکھتا ہے، مگر چند عناصر کالے کوٹ پہن کر دہشت گردی میں ملوث ہیں، ہمارا کراچی بار اور سندھ بار سے بھی مطالبہ ہے کہ قبضے کے اس واقعے میں ملوث وکلاء کے لائسنس منسوخ اور ان کے خلاف سخت کارروائی کی جائے، ہم قبضہ مافیا کی جانب سے شہری جائیدادوں کو ہتھیانے کے خلاف اور متاثرین کے ساتھ ہیں، جماعت اسلامی نے ادارہ نورِ حق میں ایکشن کمیٹی قائم کردی ہے، جبکہ کراچی بھر میں عوامی کمیٹیاں پہلے ہی فعال ہیں ،اس نوعیت کے واقعات کہیں بھی پیش آئیں تو عوام جماعت اسلامی سے رجوع کیا جائے۔
