فرمان الہی
نماز کے اوقات
اسلام آباد (ساجد چوہدری )بجلی کے بلوں کی مد میں وزارتوں ، ڈویژنز اور دیگر سرکاری محکموں کے ذمہ واجب الادا رقم پونے تین کھرب تک پہنچ گئی ہے ، وفاقی حکومت اور اس کے اداروں کے ذمہ ایک کھرب 26ارب 31کروڑ 30لاکھ روپے ہیں جبکہ صوبائی حکومتوں اور ان کے اداروں نے ایک کھرب 43ارب 87کروڑ 30لاکھ روپے ادا کرنے ہیں،اس طرح مجموعی طور پر یہ رقم 2کھرب 70ارب 18کروڑ 60لاکھ روپے بنتی ہے ، وزارت پاور ڈویژن کی طرف سے پارلیمنٹ کو فراہم کردہ تفصیلات میں بتایا گیا ہے کہ 31اگست 2025ء تک وفاقی حکومت اور اس کے اداروں کے ذمہ 36ارب 40کروڑ 40لاکھ روپے، آزاد جموں و کشمیر کے ذمہ 63ارب 59کروڑ 70لاکھ روپے، اٹانومس باڈیز کے ذمہ 19ارب 96کروڑ 40لاکھ روپے، لوکل باڈیز کے ذمہ 6ارب 34کروڑ دس لاکھ روپے، جبکہ صوبائی حکومت اور اس کے ڈیپاٹمنٹس کے ذمہ 68ارب 32کروڑ ، اٹانومس باڈیز کے ذمہ 20ارب 64کروڑ 70لاکھ روپے، لوکل باڈیز 7ارب 30کروڑ 80لاکھ ، سٹی ڈسٹرکٹ گورنمنٹ 12ارب 30کروڑ 60لاکھ روپے، ٹی ایم اے کے ذمہ 12ارب 29کروڑ 20لاکھ روپے ہیں ۔
