• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملاقات جیل مینول کے مطابق ہی ہوگی، بیرسٹر عقیل ملک

آج کا اخبار
اہم خبریں
29 نومبر ، 2025
کراچی (ٹی وی رپورٹ) جیو نیوز کے پروگرام ’’آج شاہزیب خانزادہ کے ساتھ‘‘ میں میزبان سے گفتگو کرتے ہوئے وزیر مملکت برائے قانون بیرسٹر عقیل ملک نے کہا ہے کہ بانی پی ٹی آئی سے ملاقات جیل مینول کے مطابق ہی ہوگی۔ کسی کی خواہشات پر تو ملاقا ت نہیں کرائی جاسکتی۔ عمران خان عام قیدی نہیں ہیں۔ پی ٹی آئی سیاسی نوعیت کی ملاقاتیں کرنا چاہتی ہے جیل قوانین کے تحت سیاسی ملاقاتوں کو روکا جاسکتا ہے۔پروگرام میں سینئر صحافی و تجزیہ کار افتخار فردوس اور طاہر خان نے بھی گفتگو کی۔ وزیر مملکت برائے قانون بیرسٹر عقیل ملک نے مزید کہا کہ بانی پی ٹی آئی ایک سپیریئر کلاس کے قیدی ہیں۔ اگر احتجاج کرنا ہے تو قانون کے دائرے میں رہ کر کریں۔ عمران خان کو واٹس ایپ کالز کی سہولت فراہم کی گئی ہے اگر عدالت کا آرڈر ہوگا تو بچوں کی ان سے بات کروائی جائے گی۔
اہم خبریں سے مزید