• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پارلیمنٹ کا مشترکہ اجلاس منگل کو طلب کرنے کا فیصلہ

آج کا اخبار
اہم خبریں
29 نومبر ، 2025
اسلام آباد (محمد صالح ظافر خصوصی تجزیہ نگار) حکومت نے دونوں ایوانوں پر مشتمل پارلیمنٹ کا مشترکہ اجلاس آئندہ منگل (2؍ دسمبر) کو طلب کرنے کا فیصلہ کیا ہے جس میں اہم قانون سازی کے علاوہ ملک میں امن و امان اور سلامتی کے حوالے سے مجموعی صورتحال کا جائزہ لیا جائے گا۔ مشترکہ اجلاس جو مجلس شوریٰ بھی کہلاتا ہے نو ماہ بعد ہورہا ہے اجلاس کے لئے باضابطہ ایجنڈا آج (ہفتہ) مرتب کرلیا جائے گا۔قابل اعتماد پارلیمانی ذرائع نے بتایا ہے کہ پارلیمنٹ کے مشترکہ اجلاس میں گھر کی یونیورسٹی کے مسودہ قانون کو بھی منظوری کے لئے پیش کیا جاسکتا ہے جسے پیپلزپارٹی سے تعلق رکھنے والی خاتون رکن ثمینہ گھرکی نے پیش کیا ہے جو وفاقی وزیر بھی رہ چکی ہیں۔ اس امکان کو رد نہیں کیا جاسکتا کہ وزیراعظم شہباز شریف جو ان دنوں نجی دورے پر لندن میں ہیں مشترکہ اجلاس میں ایوان کی قیادت کرینگے وہ کل (اتوار) تک وطن واپس آجائیں گے۔
اہم خبریں سے مزید