• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نوازشریف نے قطعی طور پر یہ نہیں کہا کسی کو الٹا لٹکا دو، اسپیکر پنجاب اسمبلی

آج کا اخبار
اہم خبریں
29 نومبر ، 2025
لاہور(نمائندہ خصوصی)سپیکر پنجاب اسمبلی ملک محمد احمد خان نے کہا ہے کہ نوازشریف نے اپنی گفتگو میں قطعی طورپر یہ نہیں کہا کہ کسی کو الٹا لٹکا دو بانی پی ٹی آئی کے ساتھ سلوک جیل مینوئل کے ساتھ ہو رہا ہے ریاستی اداروں پر حملہ کرنے والی جماعتوں کے درمیان فرق رکھنا ناقابل فہم ہے، آئی ایم ایف کی رپورٹ پر صرف سیاستدانوں کو مورد الزام ٹھہرانا درست نہیں،، آئی ایم ایف کی رپورٹ پر صرف سیاستدانوں کو مورد الزام ٹھہرانا درست نہیں،نئے صوبوں کی بات کو سننا پڑے گا ۔گزشتہ روز پنجاب اسمبلی میں پریس کانفرنس کرتے ہوئے سپیکر پنجاب اسمبلی ملک محمد احمد خان کاکہنا تھاکہُ نوازشریف کا بیان سیاق و سباق سے ہٹ کر بیان کیا گیا انہوں نے قطعی طورپر یہ بات نہیں کی کہ کسی کو الٹا لٹکا دو نوازشریف کو اس بات پر دکھ کااظہار کیا کہ معاشی طورپرترقی کرتے پاکستان کو کس طرح روکا گیا،ایک سوال کے جواب میں سپیکر پنجاب اسمبلی نے کہاکہ بانی تحریک انصاف کے ساتھ جیل میں سلوک جیل مینوئل کے عین مطابق ہو رہا ہے ملک محمد احمد خان کاکہنا تھاکہ نئے صوبوں کی بات کو سننا پڑے گا خواہ ابھی وہ اکیڈیمک سطح پر کی جا رہی ہے، انہوں نے کہاکہ وہ ضلعی حکومتوں کے آئینی تحفظ کے وکیل ہیں اور اس سلسلہ میں ہر اقدام کی حمایت کریں گے، آئی ایم ایف کی رپورٹ تشویشناک ہے مگر صرف سیاستدانوں کو مورد الزام ٹھہرانا درست نہیں ہوگا۔
اہم خبریں سے مزید