• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکومت متحرک اور جامع کیپٹل مارکیٹس کی تشکیل کیلئے پرعزم ہے، سینیٹر محمد اورنگزیب

آج کا اخبار
اہم خبریں
29 نومبر ، 2025
اسلام آباد(کامر س رپورٹر)وفاقی وزیر خزانہ سینیٹر محمد اورنگزیب نے کہا ہے کہ حکومت متحرک اور جامع کیپٹل مارکیٹس کی تشکیل کے لئے پرعزم ہے،کونسل نجی شعبے کی شمولیت میں حائل رکاوٹوں کا خاتمہ کرے، معاشی ترقی کیلئے مالی معاونت فراہم کرنے، سرمایہ کاروں کی شمولیت بڑھانے اور جاری ڈھانچہ جاتی اصلاحات کو آگے بڑھانے میں کلیدی کردار ادا کرنے کیلئے حکومت متحرک اور جامع کیپٹل مارکیٹس کی تشکیل کیلئے پرعزم ہے۔ انہوں نے ان خیالات کا اظہار کیپٹل مارکیٹ ڈویلپمنٹ کونسل کے افتتاحی اجلاس سے خطاب کرتے ہوئے کیا، وزیر خزانہ نے کہا کہ جدید، مربوط اور سرمایہ کار دوست کیپٹل مارکیٹ ایکو سسٹم کی ترقی قومی ترجیح ہے جو فنانس تک بہتر رسائی، بچتوں کے فروغ، مارکیٹ سرگرمی میں گہرائی اور پاکستان کی طویل مدتی معاشی مضبوطی کے لئے ناگزیر ہے۔ اجلاس میں پاکستان کی کیپٹل مارکیٹ کے استحکام اور توسیع کے روڈمیپ کا تفصیلی جائزہ لیا گیا۔ اجلاس میں اہم مالیاتی اداروں، کارپوریٹ سیکٹر، ریگولیٹرز اور مختلف سرکاری شعبوں کی اعلیٰ قیادت نے شرکت کی جن میں سیکورٹیز اینڈ ایکسچینج کمیشن ، سٹیٹ بینک ، پاکستان بینکس ایسوسی ایشن، پاکستان سٹاک ایکسچینج ، سینٹرل ڈیپازٹری کمپنی، نیشنل کلیئرنگ کمپنی ،پاکستان بزنس کونسل اور وزارتِ خزانہ کے نمائندے شامل تھے،اجلاس میں کونسل کے اپنے ضوابطِ کار اور کیپٹل مارکیٹ کی ترقی کے مجموعی منصوبے اور حکمتِ عملی کا جائزہ لیا گیا ۔
اہم خبریں سے مزید