• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پولیس وردیوں کی خریداری، ایک ارب سے زائد بے قاعدگیوں کا انکشاف

آج کا اخبار
اہم خبریں
29 نومبر ، 2025
حیدرآباد(بیورو رپورٹ)سندھ پولیس کی وردیوں کی خریداری میں ایک ارب روپے سے زائد بے قاعدگیوں کا انکشاف ہوا ہے۔تفصیلات کے مطابق آڈیٹرل جنرل آف پاکستان نے اپنی رپورٹ میں بتایا ہے کہ پولیس یونیفارم کی خریداری میں 2023.24میں بار بار قواعد کی خلاف ورزی کی گئی خریداری کا پلان اور بولی کی تفصیلات سپرا کی ویب سائٹ پر اپ لوڈ نہیں‘ خریداری کمیٹی میں صرف پولیس محکمے کے لوگوں کو شامل کیا گیا۔ رپورٹ کے مطابق قواعد کے مطابق پروکیورمینٹ کمیٹی میں دیگر محکموں کو بھی شامل کیا جاتا ہے،جیل حکام سے این او سی لازمی تھی،جیل حکام سے این او سی نہیں لی گئی۔ رپورٹ کے مطابق وردیوں اور کپڑے کی خریداری میں غیر قانونی راستہ اختیار کیا گیا،بلوں پر سیلز ٹیکس کی کٹوتی نہیں کی گئی‘ غیر ضروری طور پر عوامی خزانے کا ضیاع کیا گیا، پولیس یونیفارم کہ خریداری میں بد انتظامی واضح نظر آ رہی ہے، اکتوبر 2024یہ معاملہ رپورٹ ہوا‘ آئی جی سندھ کے دفتر سے کوئی جواب نہیں ملا،ذمے داروں کا تعین کرکے کارروائی کی جائے۔
اہم خبریں سے مزید