• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کلچرل فیسٹیول، فائن آرٹ ورکشاپ، میوزیکل پرفارمنس

آج کا اخبار
اہم خبریں
29 نومبر ، 2025
کراچی ( ذیشان صدیقی/اختر علی اختر) آرٹس کونسل آف پاکستان کراچی کے زیرِ اہتمام 39 روزہ ورلڈ کلچرل فیسٹیول 2025کے 29ویں روز فائن آرٹ ورکشاپ، میوزیکل پرفارمنس، فلم اسکریننگ اور دوتھیٹر پیش کئے گئے، بازیلہ مصطفی کے تھیٹر پلے نے شائقین کے دل جیت لئے۔ 29ویں روز کا آغاز سنگا پور کی مایا ڈانس کمپنی کی ڈاؤن سنڈروم بچوں کے ہمراہ کراچی کے اسپیشل تعلیمی ادارے Scinosa کے طلباءکے ساتھ ڈانس ورکشاپ سے کیاگیا ، Scinosa اسکول کے بچوں نے شاندار ڈانس پرفارمنس سے سنگا پور سے آئے مہمان گروپ کا پُرجوش استقبال کیا۔ ورکشاپ کے دوران مایا ڈانس کمپنی کے ڈائون سنڈروم بچوں اور گروپ میں شامل فنکاروں نے میوزیکل پرفارمنس پر طلباءکو رقص کے مختلف پہلوئوں، تکنیک اور اظہارِ فن کے طریقوں سے روشناس کرایا۔ ”فلم اسکریننگ“ میں ”گنجل“ دکھائی گئی جس کی مصنفہ نرمل بانو اور ڈائریکٹر شعیب سلطان تھے۔ بیلجیم کی جانب سے ہدایتکار و اداکار Ronnie Aelbrecht کا تھیٹر پلے "CHEF" پیش کیاگیا جس میں کٹھ پتلی تماشے کے انداز میں پیش کی گئی کہانیوں نے بچوں کو ہنسنے پر مجبور کردیا جبکہ Wannes کی میوزیکل پرفارمنس پر بچے لطف اندوز ہوئے۔ فیسٹیول کے 29ویں روز کا اختتام رائٹرو ڈائریکٹر بازیلہ مصطفی کے تھیٹر پلے "X"-Myteriously Murderous Investigation" پر کیاگیا تھیٹر کی کہانی ایک کمرے، ایک جسم ، چار فرمانبردار ذہن اور نظریات کے لامحدود جال کے گرد گھومتی نظر آئی، تھیٹر میں علی شیر ، اشمل لال وانی ، اویس خیرا ، فرحان رحیم ، کرن صدیقی اور رام گوند نے اپنی بہترین اداکاری پیش کی۔
اہم خبریں سے مزید